8

Araling Panlipunan 8
Quarter 4 – Module 1:
Unang Digmaang Pandaigdig
Araling Panlipunan — Grade 8
Alternative Delivery Mode
Quarter 4 — Module 1: Unang Digmaang Pandaigdig
First Edition, 2020

Republic Act 8293, Section 176 states that: No copyright shall subsist in any work
of the Government of the Philippines. However, prior approval of the government agency
or office wherein the work is created shall be necessary for exploitation of such work for
profit. Such agency or office may, among other things, impose as a condition the payment
of royalties.

Borrowed materials (i.e., songs, stories, poems, pictures, photos, brand names,
trademarks, etc.) included in this book are owned by their respective copyright holders.
Every effort has been exerted to locate and seek permission to use these materials from
their respective copyright owners. The publisher and authors do not represent nor claim
ownership over them.

Published by the Department of Education – Division of Gingoog City

Division Superintendent: Jesnar Dems S. Torres, PhD, CESO VI

Development Team of the Module

Writer: Aisa C. Dayata

Reviewers: Norebel A. Balagulan, PhD, Elvira Ruvi U. Camocamo

Illustrator: Jay Michael A. Calipusan

Layout Artist: Norebel A. Balagulan

Management Team

Chairperson: Jesnar Dems S. Torres, PhD, CESO VI

Schools Division Superintendent

Co-Chairperson: Conniebel C. Nistal, PhD

Assistant Schools Division Superintendent

Pablito B. Altubar
CID Chief

Members: Norebel A. Balagulan, PhD, EPS – Araling Panlipunan

Himaya B. Sinatao, LRMS Manager
Jay Michael A. Calipusan, PDO II
Mercy M. Caharian, Librarian II

Printed in the Philippines by

Department of Education – Division of Gingoog City

Office Address: Brgy. 23, National Highway, Gingoog City

Telefax: 088-328-0108 / 088328-0118
E-mail Address: gingoog.city@deped.gov.ph

i
 8
Araling Panlipunan 8
Quarter 4 – Module 1:
Unang Digmaang Pandaigdig

ii
 Tala ng mga Nilalaman
Paunang Salita ................................................................................................. v
Alamin .............................................................................................................. v
Pangkalahatang Panuto: ................................................................................ v
Mga Icon ng Modyul na ito .................................................................................................... vi
Subukin .......................................................................................................... vii
Panimulang Pagtataya: .................................................................................................... vii
Aralin 1
Mga Sanhi ng Unang Digmaang Pandaigdig ....Error! Bookmark not defined.
Alamin ..................................................................................................................................... 9
Tuklasin .................................................................................................................................. 2
Gawain 1: Konseptong Nais ko, Hulaan mo ...................................................................... 2
Suriin ...................................................................................................................................... 3
Nasyonalismo ..................................................................................................................... 3
Imperyalismo ...................................................................................................................... 3
Militarismo ........................................................................................................................... 4
Pagbuo ng mga Alyansa ................................................... Error! Bookmark not defined.
Pandaigdig na Hidwaan ..................................................................................................... 5
Pagyamanin ........................................................................................................................... 6
Gawain 2: Story Map .......................................................................................................... 6
Aralin 2
Mahahalagang Pangyayari sa Ikalawang Digmaang Pandaigdig ............... 8
Suriin .................................................................................................................................... 11
Ang Pagsisimula ng Unang Digmaang Pandaigdig ......................................................... 11
Digmaan sa kanluran........................................................................................................ 11
Digmaan sa Silangan ....................................................................................................... 11
Digmaan sa Balkan .......................................................................................................... 11
Digmaan sa Karagatan ..................................................................................................... 12
Pagyamanin ......................................................................................................................... 12
Gawain 3: Ika’y Mahalaga! ............................................................................................... 12
Isaisip ................................................................................................................................... 13
Aralin 3
Mahahalagang Pangyayari sa Ikalawang Digmaang Pandaigdig ............. 14
Balikan .................................................................................................................................. 14

iii
 Gawain 1: Concept Map ................................................................................................... 14
Alamin ................................................................................................................................... 15
Suriin .................................................................................................................................... 17
Mga naging bunga ng Unang Digmaang Pandaigdigan .................................................. 17
Kasuduang Pangkapayapaan .......................................................................................... 17
Ang labing-apat na Puntos ni Pangulong Woodrow Wilson ............................................ 17
Mga lihim na kasunduan lingid sa kaalaman ni Pangulong Wilson................................. 18
Liga ng mga Bansa........................................................................................................... 18
Pagkabigo ng Liga ng mga Bansa ................................................................................... 18
Isaisip ................................................................................................................................... 20
Gawain 4: Diary ................................................................................................................ 20

Buod ............................................................................................................... 21
Pagtatasa ....................................................................................................... 22
Sanggunian .................................................................................................... 27

iv
Paunang Salita
Ang modyul na ito ay tungkol sa mahahalagang pangyayari hinggil sa pagkakaroon ng
Unang Digmaang Pandaigdig (1914-1918). Ang mga digmaang ito ay nag-iwan ng malalim
na sugat at aral sa kasaysayan ng sangkatauhan. Tatalakayin sa mga aralin sa modyul na ito
ang mga sanhi, pangyayari at ang maraming pagbabagong idinulot ng unang digmaang
pandaigdig na naganap sa kasaysayan.

Alamin
Pagkatapos mong mapag-aralan ang modyul, inaasahang magagawa mo ang mga
sumusunod:

Aralin 1: Mga Sanhi ng Unang Digmaang Pandaigdig

Aralin 2: Mahahalagang Pangyayari na Nagdulot ng Unang Digmaang Pandaigdig
Aralin 3: Mga Epekto sa mga Bansa ng Unang Digmaang Pandaigdig

Pangkalahatang Panuto
Ito ang magiging gabay sa paggamit ng modyul na ito:
1. Basahin at unawain nang mabuti ang bawat bahagi ng modyul at sundin ang mga
direksiyon o panuto habang binabasa ang materyales.
2. Sagutin ang lahat ng mga katanungan.
3. Maglaan ng sapat na oras sa pagsagot ng mga katanungan.
4. Gawing kasiya-siya ang bawat panahon sa paggamit ng modyul.

v
Mga Icon ng Modyul na ito

Sa bahaging ito, malalaman mo ang mga dapat

Alamin
mong matutuhan sa modyul.

Sa pagsusulit na ito, makikita natin kung ano na

Subukin
ang kaalaman mo sa aralin ng modyul.

Ito ay maikling pagsasanay o balik-aral upang

Balikan matulungan kang maiugnay ang kasalukuyang
aralin sa naunang leksyon.
Sa bahaging ito, ang bagong aralin ay ipakikilala
sa maraming paraan tulad ng isang kuwento,
Tuklasin
awitin, tula, pambukas na suliranin, gawain o
isang sitwasyon.
Sa seksyong ito, bibigyan ka ng maikling
pagtalakay sa aralin. Layunin nitong matulungan
Suriin
kang maunawaan ang bagong konsepto at mga
kasanayan.
Binubuo ito ng mga gawaing para sa
mapatnubay at malayang pagsasanay upang
Pagyamanin
mapagtibay ang iyong pang-unawa at mga
kasanayan sa paksa.
Naglalaman ito ng mga katanungan upang
Isaisip maproseso kung anong natutuhan mo mula sa
aralin.
Ito ay naglalaman ng gawaing makatutulong sa
iyo upang maisalin ang bagong kaalaman o
Isagawa
kasanayan sa tunay na sitwasyon o realidad ng
buhay.

vi
 Subukin
Panimulang Pagtataya:

Panuto: Suriin at unawaing mabuti ang bawat katanungan at pangungusap. Letra lamang
ng wastong sagot ang isulat sa sagutang papel.

1. Ang mga sumusunod ay mga sanhi ng Unang Digmaang Pandaigdig maliban sa:
A. Nasyonalismo
B. Imperyalismo
C. Demokrasya
D. Militarismo

2. Ang kasunduan ng mga bansa na nagbigay hudyat sa pagwawakas ng World War I

A. Treaty of Paris
B. United Nations
C. League of Nations
D. Treaty of Versailles

3. Kahit malayo sa Europa nakilahok ang US sa Unang Digmaang Pandaigdig nang

pinalubog ng Germany ang kanilang barko. Ano ang pangalan ng barkong ito?
A. Judicisa
B. Lusitania
C. Lorraine
D. Jessenia

4. Ang mga sumusunod na pangyayari ay naganap noong Unang Digmaang Pandaigdig

maliban sa
A. pagbuo ng Triple Alliance at Triple Entente.
B. pandaigdigang krisis tulad ng naganap sa mga Estado ng Balkan at sa
Morocco.
C. pagpapalakas ng hukbong militarng mga bansa.
D. pagtatatag ng Nagkakaisang Bansa.

5. Alin sa mga sumusunod na pangyayari ang naging hudyat o dahilan sa pagsisimula

ng Unang Digmaang Pandaigdig?
A. Pagpapakamatay ni Adolf Hitler matapos sumalakay ang Allied Powers
B. Pagpapalabas ng labing-apat na Puntos ni Pangulong Woodrow Wilson
C. Pagpaslang kay Archduke Francis Ferdinand ng Austria sa Sarajevo, Bosnia
D. Pagwawakas ng mga Imperyo sa Europa tulad ng Alemanya, Austria- Hungary,
Rusya, at Ottoman

6. Ang kasunduan sa Versailles ay mahalaga dahil sa mga probisyon nito ukol sa

A. pag-angkin ng Rusya sa Constantinople upang magkaroon ng magandang
daungan.
B. paghahati-hati sa dating kolonya ng Alemanya sa pangangasiwa ng mga
bansang magkaka-alyado.
C. pagkakaroon ng Triple Alliance at Triple Entente
D. paglaban ng Alemanya sa kapangyarihang pandagat ng Inglatera.

vii
7. Sinasabing sa Kanlurang Europe naganap ang pinakamainit na labanan sa panahon
ng World War I . Alin sa mga sumusunod na pangyayari ang nauugnay dito?
A. Labanan ng Austria at Serbia
B. Digmaan ng Germany at Britain
C. Paglusob ng Rusya sa Germany
D. Digmaan mula sa Hilagang Belgium hanggang sa hangganan ng Switzerland

8. Ang pangunahing dahilan ng pag-buo ng League of Nations ay upang mapanatili ang

kapayapaan sa buong mundo. Sinong pangulo ng Amerika ang nagpanukala nito sa
kaniyang labing-apat (14) na puntos?
A. Harry Truman C. Woodrow Wilson
B. Theodore Roosevelt D. Lloyd George

9. Gamitin ang mga larawan upang masagot ang tanong bilang 7

Source: http://library.thinkquest.org/06aug/02455/pictures/worldwarII.jpg

Alin sa mga sumusunod ang mahihinuha mo mula sa larawan?

A. Maraming ari-arian at buhay ang nawawasak dahil sa digmaan
B. Malaking halaga ang kailangan para sa reparasyon pagkatapos ng digmaan
C. Sa mga digmaan, walang panalo, walang talo, lahat ng bansang sangkot ay
apektado
D. Lahat ng nabanggit

10. Anong konklusyon ang mahihinuha mo sa pahayag na “Ang kasunduan sa Versailles

ang nagsilbing binhi ng World War II”
A. Pabor sa lahat ng bansang sangkot ang mga probisyon ng kasunduan sa
Versailles
B. Ang kasunduan sa Versailles sa pagitan ng Allies at Germany ang opisyal na
nagwakas sa Unang Digmaang Pandaigdig
C. Ang mga probisyon ng Kasunduan sa Versailles ang nagtulak sa Germany
upang maghimagsik sa mga arkitekto nito
D. Naging mahina ang League of Nationsna isa sa mga probisyon ng kasunduan
upang mapanatili ang kapayapaan ng mga bansa

viii
 Aralin
Mga Sanhi ng Unang Digmaang
1 Pandaigdig

Alamin

Ang araling ito ay tungkol sa mga dahilan na nagbigay daan sa Unang Digmaang
Pandaigdig at ang pakikilahok ng mga bansang magkakampi sa mga labanan. Sa aralin ding
ito ay inaasahang makapagbibigay ka ng mga paraan tungo sa pandaigdigang
pagkakaunawaan.

Matapos ang araling ito, inaasahan na iyong:

1. Matutukoy ang mga bansang magkakampi sa Unang Digmaang Pandaigdig;

2. Mailalahad ang mga sanhi ng pagsiklab ng Unang Digmaang Pandaigdig; at
3. Makapagbibigay ng mga paraan upang maipakita ang kahalagahan ng
pagkakaunawaan.

Tuklasin

Gawain 1: Konseptong Nais Ko, Hulaan Mo!

Panuto: Basahin at unawain ang mga clue sa bawat bilang. Tukuyin ang mga konseptong
inilalarawan sa pamamagitan ng pagpupuno ng wastong letra sa loob ng mga kahon.

1. Pagkakampihan ng mga bansa

A Y A

2. Pagpapalakas ng mga bansang sandatahan ng mga bansa sa Europe

M I T A S O

3. Panghihimasok ng makapangyarihang bansa sa mahinang bansa.

I P Y L O

4. Pagmamahal sa bayan

N S N L M
 5. Bansang kaalyado ng France at Russia

G T B T N

Suriin

Nasyonalismo

Ang damdaming nasyonalismo ay

nagbubunsod ng pagnanasa ng mga tao upang
maging Malaya ang kanilang bansa. Kung minsan,
ito ay lumalabis at nagiging panatikong pagmamahal
sa bansa. Halimbawa, ang mga Junker, ang
aristokrasyang militar ng Alemanya, ay nagpilit na
sila ang nangungunang lahi sa Europa.
May mga bansa na masidhi ang
paniniwalang karapatan nila na pangalagaan ang
mga kalahi nila kahit nasa ilalim ng kapangyarihan
ng ibang bansa. Isang halimbawa ay ang pagnanais
ng Serbia na angkinin ang Bosnia at Herzegovina na
nasa ilalim ng Austria. Marami rin sa mga estado ng
Balkan na Greek Orthodox ang relihiyon at ang
pananalita ay tulad ng mga Ruso. Ito'y ginagawang
dahilan ng Rusya upang makialam sa Balkan. Gusto
https://i982.photobucket.com/albu
ring maangkin ng Rusya ang Constantinople upang
magkaroon siya ng daungang ligtas sa yelo. ms/ae306/etajima62/presente.jpg
Sa kabilang dako, nais angkinin ng Italya ang
Trent at Triste na sakop din ng Austria. Ang Pransya naman ay nagnanais ding mapabalik sa
kanya ang Alsace-Lorraine na inangkin ng Alemanya noong 1871 bunga ng digmaan ng
Pransya at PRusya. Dahil dito, ipinalagay ng maraming Pranses na natural nilang kaaway ang
mga Aleman.
Imperyalismo

Isang paraan ng pagpapalawak ng pambansang kapangyarihan at pagunlad ng mga

bansang Europeo ang pag-aangkin ng mga kolonya. Ang paguunahan ng mga
makapangyarihang bansa na sumakop ng mga lupain at magkaroon ng kontrol sa
pinagkukunang-yaman at kalakal ng Aprika at Asya ay lumikha ng samaan ng loob at pag-
aalitan ng mga bansa. Sinalungat ng Britanya ang pag-angkin ng Alemanya sa Tanganyika
(East Africa) sapagkat balakid ito sa kanyang balak na maglagay ng transportasyong riles
mula sa Cape Colony patungong Cairo. Tinangka namang hadlangan ng Alemanya ang
pagtatatag ng French Protectorate sa Morocco sapagkat naiinggit ito sa mga tagumpay ng
Pransya sa Hilagang Aprika. Sa gitnang silangan, nabahala ang Inglatera sa pagtatatag ng
Berlin-Baghdad Railway sapagkat ito'y panganib sa kanyang lifeline patungong India. Ang
pagpapalawak ng hangganan ng Austria sa Balkan ay tumawag ng pansin at mahigpit na
pagsalungat ng Serbia at Rusya. Naging kalaban din ng Alemanya ang Britanya at Hapon sa
pagsakop sa Tsina . Hindi nasiyahan ang Alemanya at Italya sa pagkakahati-hati ng Aprika
sapagkat kaunti lamang ang kanilang nasakop samantalang malaki ang nabahagi ng Inglatera
at Pransya.

Militarismo
Upang mapangalagaan ang kani-kanilang teritoryo, kinakailangan ng mga bansa sa
Europa ang mahuhusay at malalaking hukbong sandatahan sa lupa at karagatan. Kaugnay
nito ang pagpaparami ng armas. Ito ang naging ugat ng paghihinalaan at pagmamatyagan ng
mga bansa. Nagsimulang magtatag ng malalaking hukbong pandagat ang Alemanya.
Ipinalagay na ito'y tahasang paghamon sa kapangyarihan ng Inglatera bilang Reyna ng
Karagatan.

Pagbuo ng mga Alyansa

Dahil sa inggitan, paghihinalaan at
lihim na pangamba ng mga bansang
makapangyarihan, dalawang
magkasalungat na alyansa ang nabuo – ang
Triple Entente at ang Triple Alliance.
Noong 1882, itinatag ni Bismarck ang
Triple Alliance – Ang Germany at Austria-
Hungary ay gumawa ng alyansa kasama ang
Italy. Ang tangin rason ay para mapigilan ang
Italy na bumuo ng isang alyansa kasama ang
Russia.
Sa 1907, Triple Entente – Ito ay ang http://tomatobubble.com/sitebuilderco
alyansa sa pagitan ng Russia, Britanya at ntent/sitebuilderpictures/entente.gif
France (noong 1914, sa kasagsagan ng
digmaan ay nagkasundo na hindi pipirma ng kasunduan ng kapayapaan nang hindi sang-
ayon ang lahat ng kasapi)

Pandaigdig na Hidwaan (International Anarchy)

Isang dekada bago sumapit ang Unang Digmaang Pandaigdig (1905-1914)
sunud-sunod ang nangyaring krisis sa pagitan ng mga bansa na tuwirang
nagbigay-daan sa pandaigdig na alitan.
a) Krisis sa Morocco noong 1905
 Hinamon ng Alemanya ang karapatan ng Pransya na magtatag ng Protectorate sa
Morocco
b) Krisis sa Balkan noong 1908
 Sinakop ng Austria ang Bosnia at Herzegovina. Ang nakatira rito ay mga Slav, na
may sariling ambisyong maangkin ang lalawigang ito.
c) Krisis sa Morocco noong 1912
 Ang pangatlong krisis na ito'y ang pagsakop ng hukbong sandatahang Pranses sa
Fez, punong-bayan ng Morocco, upang papayapain ang lugar.
d) Krisis sa Balkan noong 1913
 Sinakop ng Serbia ang Albania nang talunin niya ang Turkey sa digmaang
Balkan. Sa wakas, wari'y natupad na rin ang kanyang ambisyong magkaroon
 ng lusutan tungo sa Dagat Adriatiko.
 Noong ika-28 ng Hunyo, 1914, si Archduke
Francis Ferdinand, tagapagmana
sa trono ng Austria ay dumalaw sa Sarajevo,
Bosnia. Siya ay pataksil na pinatay ni Gavrilo
Princip, isang Serbian na naninirahan sa
Bosnia. Si Princip at ang kanyang kasama ay
kabilang sa The Black Hand, isang grupong
teroristang laban sa Austria. Naghinala ang
Austria na may kinalaman ang Serbia sa
pangyayari, at agad nagpadala ng ultimatum
ang Austria sa Serbia. Ang mga itinalaga sa
ultimatum ay hindi katanggap-tanggap ng
Serbia kung kayat iminungkahi nitong isangguni
sa Hague Court ang suliranin. Hindi nasiyahan
ang Austria sa kasagutan at noong ika- 28 ng https://onthisday.com/people/franz
Hulyo, 1914, ito ay nagpahayag ng pakikidigma -ferdinand
laban sa Serbia.

Pagyamanin

Gawain 2: Story Map

Panuto: Batay sa binasang teksto, punan ng impormasyon ang Story Map upang
masuri ang mga sanhi ng Unang Digmaang Pandaigdig.

Sanhi ng Unang
Digmaang
Pandaigdigan
 Pamprosesong tanong:

1. Sino-sinong pinuno ang nanguna sa Unang Digmaang Pandaigdig?

2. Ano-anong bansa ang nagpapakita ng diwa ng nasyonalismo sa Unang Digmaang
Pandaigdig?
3. Paano naging ugat ng Unang Digmaang Pandaigdigan ang imperyalismo at militariso?

Aralin
Pangyayari sa Unang Digmaang
2 Pandaigdig

Balikan
Gawain 1: Crossword puzzle
Panuto: Buuin ang puzzle tungkol sa mga sanhi ng Unang Digmaang Pandaigdig sa
pamamagitan ng pagsagot sa mga tanong sa ibaba.
4. 5. 2

1.

3.

Pahalang
1. isang oryentasyong pampulitika ng isang tao o isang pamahalaan upang mapanatili ang
isang malakas na puwersa militar at maging handa upang gamitin ito nang agresibo upang
palawakin ang pambansang interes.
3. isang uri ng pananakop na layuning magpatayo ng imperyo sa bansang gusting sakupin.
5. isang samahan ng mga bansa na may layunin na matulungan sa panahon ng digmaan,
pangangailangan pangkabuhayan at iba pa.
Pababa
2. damdamin ng katapatan at pagmamahal sa kultura at kapakanan nito.
4.tagapagmana ng Austria na pinatay noong ika-28 ng HUnyo, 1914, na naghudyat
ng pagsisimula ng Unang Digmaang Pandaigdig.

Suriin
Ang Pagsisimula ng Unang Digmaang Pandaigdig
Sinuportahan ng Alemanya ang tangka ng Austria na mapahina ang Serbia.
Hindi rin naman mapayagan ng Rusya na mapahina ang Serbia kayat humanda na itong
tumulong. Ang Pransya ay nakahanda ring tumulong sa Rusya. Alam ng Alemanya na kung
makakalaban niya ang Rusya, makakalaban din niya ang Pransya.

Digmaan sa Kanluran
Dito naganap ang pinakamainit ng labanan noong Unang Digmaang Pandaigdig. Ang
bahaging nasakop ng digmaaan ay mula sa hilagang Belhika hanggang sa hangganan ng
Switzerland. Lumusob sa Belhika ang hukbong Alemanya at ipinagwalang-bahala nitong huli
ang pagiging neutral na bansa nito. Ito ang paraang ginamit nila upang malusob ang Pransya.
Ngunit sila'y inantala ng magiting na pagsasanggalang ng mga taga-Belhika sa Leige.

Digmaan sa Silangan
Lumusob ang Rusya sa Prusya (Germany) sa pangunguna ni Grand Duke Nicholas,
pamangkin ni Czar Nicholas II. Ngunit noong dumating ang saklolo ng Alemanya, natalo ang
hukbong Ruso sa Digmaan ng Tannenberg. Sa Galicia ay nagtagumpay ang Hukbong Ruso.
Ngunit hindi nagtagal ang tagumpay nila. Sila ay pinahirapan ng mga Aleman sa Poland. Dito
tuluyang bumagsak ang hukbong sandatahan ng Rusya. Ang sunud-sunod nilang pagkatalo
ay naging dahilan din ng pagbagsak ng dinastiyang Romanov noong Marso, 1917 at ang
pagsilang ng Komunismo sa Rusya. Upang makaiwas na ang Rusya sa digmaan,
nakipagkasundo si Lenin sa ilalim ng pamahalaang Bolshevik sa Alemanya sa pamamagitan
ng paglagda sa Treaty of Brest-Litovsk. Iniwan ng Rusya ang mga Alyado at sumapi sa Central
Powers.

Digmaan sa Balkan
Lumusob ang Austria at tinalo ang Serbia pagkaraan ng ilang buwan. Upang
makaganti ang Bulgaria sa kanyang pagkatalo, sumapi ang Bulgaria sa Central Powers noong
Oktubre, 1915. Sa taong 1916, karamihan sa mga estado ng Balkan ay napasailalim na ng
Central Powers”.
Ang Italya naman ang tumiwalag sa Triple Alliance at nanatiling neutral pansamantala
hanggang 1915. Sa taong ito sumali siya sa magkaanib na bansa. Hinangad niyang maangkin
ang mga teritoryong Latin na hawak ng Austria (Italy Irrendenta) at ang mga kolonya nito sa
Aprika. Ang Turkey ay kumampi sa Alemanya upang mapigilan ang Rusya sa pag-angkin sa
Dardanelles.

Digmaan sa Karagatan
Sa unang bahagi ng digmaan ay nagkasubukan ang mga hukbong pandagat ng
Alemanya at Britanya. Ang lakas pandagat ng Britanya ay naitaboy ng mga barkong pandigma
ng Alemanya mula sa Pitong Dagat (Seven Seas). Kumanlong ang bapor ng Alemanya sa
Kanal Kiel. Naging mainit ang labanan. Makapangyarihan ang hukbo ng mga alyado sa dagat.
Sa kabilang dako, ang mga mabibilis na raider at mga submarinong U-boats ng kanilang
kalaban ay nakagawa ng malaking pinsala sa kalakalang pandagat ng mga Alyado. Ang
pinakamabagsik na raider ng Alemanya ay ang Emden. Sa dakong huli, napalubog ito ng
Sydney, isang Australian cruiser.

Pagyamanin
Gawain 3: Ika’y Mahalaga!
Panuto: Isulat at ipaliwanag sa dyagram ang mahahalagang pangyayari sa Unang
Digmaang Pandaigdig.

Mahahalagang Pangyayari sa Unang

Digmaan

Pamprosesong Tanong:

1. Sino-sinong pinuno ang nanguna sa Unang Digmaang Pandaigdig?

2. Bakit sinasabing ang digmaan sa kanluran ang pinakamahigpit at mainit na
digmaan?
3. Sinasabing sa Kanlurang Europe naganap ang pinakamainit na labanan sa panahon
ng Unang Digmaang Pandaigdig. Anong pangyayari ang nauugnay dito?
 Aralin Mga Bunga ng Unang Digmaang
Pandaigdig
3
Balikan

Gawain 1: Concept Map

Panuto: Punan ng impormasyon ang graphic organizer sa ibaba.

SANHI

UNANG DIGMAANG PANDAIGDIG

PANGYAYARI

Alamin
Ang araling ito ay tungkol sa mga pagbabagong naganap sa Europa at mga pagsisikap
ng mga bansa na matamo ang kapayapaan matapos ang Unang Digmaang Pandaigdig.
Tatalakayin din ang mga pangunahing dahilan ng mga bansa upang mapanatili ang
kapayapaan at maiwasan ang digmaan.

Matapos ang araling ito ay inaasahan na iyong:

1. Matatalakay ang mga pagbabagong naganap sa Europa bago at pagkatapos ng
Unang Digmaang Pandaigdig noong 1914-1918;
2. Maipapaliwanag ang nilalaman ng bawat pagsisikap na isinagawa ng mga
pangunahing bansa tungo sa kapayapaan: at
 3. Maitatala ang mga pangunahing dahilan sa pagkabigo ng mga bansa sa daigdig na
mapanatili ang kapayapaan matapos ang Unang Digmaang Pandaigdig.

Suriin
Mga naging bunga ng Unang Digmaang Pandaigdig
Matinding pinsala ang naidulot ng Unang Digmaang Pandigdig sa buhay at ariarian.
Ang namatay sa labanan ay tinatayang umabot sa 8,500,000 katao. Ang mga nasugatan ay
tinatayang 22,000,000 at ang mga namatay na sibilyan sa gutom, sakit at paghihirap ay
18,000,000. Napakaraming ari-arian ang nawasak at naantala ang kalakalan, pagsasaka at
iba pang gawaing pangkabuhayan. Ang nagastos sa digmaan ay tinatayang umabot sa 200
bilyong dolyar.
Ang mapa ng Europa ay sadyang nabago. Ang kalagayang pampulitika sa buong
daigdig ay nag-iba. Ang Austria at Hungaria ay nagkahiwalay. Ang mga bansang Latvia,
Estonia, Lithuania, Finland, Czechoslovakia, Yukoslavia at Albanya ay naging malalayang
bansa.
Apat na imperyo sa Europa ang nagwakas, ang mga Hohenzollern ng Alemanya, mga
Hapsburg ng Austri-Hungary, Romanov ng Rusya at Ottoman ng Turkey.
Nabigo ang mga bansa sa pagkakaroon ng pangmatagalang kapayapaaan sa daigdig.
Ang mga itinalaga ng kasunduan sa Versailles ay nagtanim ng hinanakit sa Alemanya.
Lubhang marahas ang mga parusang iginawad sa Alemanya. Ang pagkapahiya ng Gernany
ay naging dahilan kung bakit ang bansang ito ay naghanda na naman upang muling
makipaglaban sa mga bansang alyado.

Kasunduang pangkapayapaan
Ang mga nanalong bansa ay umisip ng paraan upang maiwasan ang muling pagsiklab
ng digmaan na inakala nilang nagiging salot sa kapayapaan ng mundo. Sila ay bumalangkas
ng mga kasunduang pangkapayapaan na naganap sa Paris noong 1919-1920. Ang mga
pagpupulong na ito ay pinangunahan ng tinatawag na Big Four: Pangulong Woodrow Wilson
ng Estados Unidos; Punong Ministro David Llyod George ng Britanya; Vittorio Emmanuel
Orlando ng Italya; at ang Punong Ministro Clemenceau ng Pransya. Ang pangunahing
nilalaman ng mga kasunduan ang ibinatay sa Labing-apat na Puntos (Four Points) ni
Pangulong Wilson.

Ang labing-apat na Puntos ni Pangulong Woodrow Wilson

Binalangkas ni Pangulong Wilson noong Enero, 1918, dito napapaloob ang mga
layunin ng Estados Unidos sa pakikidigma. Ito’y naglalaman din ng kanyang mga ideya ukol
sa isang “kapayapaang walang talunan” para sa kapakinabangan ng lahat ng bansa. Ilan sa
mga puntos na napagkasunduan ay:
1. Katapusan ng lihim na pakikipag-ugnayan;
2. Kalayaan sa karagatan;
3. Ang pagbabago ng mga hangganan ng mga bansa at ang paglutas sa
suliranin ng mga kolonya ayon sa sariling kagustuhan ng mga mamamayan o
self-determination;
4. Pagbabawas ng mga armas;
5. Pagbabawas ng taripa;
6. Pagbuo ng Liga ng Mga Bansa.
Mga lihim na kasunduan lingid sa kaalaman ni Pangulong Wilson
Ngunit lingid sa kaalaman ang Britanya, Pransya at iba pang mga bansang alyado ay
gumawa ng lihim na kasunduang sila-sila ay maghahati sa kolonya at teritoryo ng mga Central
Powers. Halimbawa, pinangakuan ang Italya ng mga teritoryong hindi naman Italyano, at ang
paghati-hati ng mga teritoryo ng Turkey sa ilalim ng iba’t ibang impluwensya.
Ang pinakamahalaga sa mga ito ay ang Kasunduan sa Versailles. Pinaghatihati ang
mga probinsya ayon sa mga sumusunod:
1. Nawalang lahat ang mga kolonya ng Alemanya. Ibinigay ang mga teritoryong Posen,
Kanlurang PRusya at ang Silesia sa bagong Republika ng Poland. Ang Danzig ay
naging malayang lungsod sa pangangasiwa ng mga alyado bilang mandate.
2. Ang Alsace-Lorraine ay naibalik sa Pransya. Ang Saar Basen ay napasailalim ng
pamamahala ng Liga ng mga Bansa sa loob ng labinlimang taon.
3. Ang Hilagang Schleswig ay ibinigay sa Denmark.
4. Ang hukbong sandatahan ng Alemanya sa lupa at sa dagat ay lubhang pinahina.
Binawasan ito ng marami at ang pinaglalakbayang ilog ng Alemanya at ang kanilang
mga partisipasyon sa anumang digmaan ay ipinagbawal.
5. Ang Kanal Kiel at ang lahat ng mga pinaglakbayang ilog ay ginawang pang-
internasyonal.
6. Pinagbawalang gumawa ng mga armas at amyunisyon ang Alemanya.
7. Ang Alemanya ay pinapangakong magbayad ng malaking halaga sa mga bansang
napinsala bilang reparasyon. Ang layunin ng mga gumawa ng kasunduang ito ay
upang lubusang pilayin ang Alemanya nang hindi na ito muling magtangkang
gambalain ang kapayapaan ng daigdig.

Liga ng mga Bansa

Ang pagkakaroon ng isang pandaigdig ang samahan ng mga bansa ay matagal nang
pangarap ni Pangulong Wilson. Sa wakas, nagtagumpay siya sa panghihikayat sa mga pinuno
ng mga bansang alyado itatag at upang sumapi sa Liga ng mga Bansa. Ang konstitusyon nito
ay napapaloob sa kasunduan sa Versailles at ang mga layunin ay ang mga sumusunod:
1. Upang maiwasan ang digmaan;
2. Upang maprotektahan ang mga kasaping bansa sa pananalakay ng iba;
3. Lumutas sa mga usapin at sa hindi pagkakaunawaan ng mga kasapi;
4. Palaganapin ang pandaigdig na pagtutulungan, at
5. Maipalaganap ang mga kasunduang pangkapayapaan.

Ang ilan sa mga nagawa ng Liga ng Mga Bansa ay ang mga sumusunod:
1. Napigil nito ang ilang maliliit na digmaan sa pagitan ng Finland at Sweden noong 1920,
Bulgaria at Gresya noong 1925, at Colombia at Peru noong 1934.
2. Pinangasiwaan nito ang mga iba’t ibang mandates.
3. Pinangasiwaan nito ang rehabilitasyon ng mga sundalo pagkatapos ng digmaan.
Pagkabigo ng Liga ng mga Bansa
Ang mga kasunduan ng Liga ay ipinagwalang-bahala ng Italya nang makipag-away ito
sa Gresya noong 1923.May dalawang pangunahing pangyayari na sumira ng tiwala ng mga
kasapi sa Liga. Una, lumusob ang Hapon at sinakop nito ang Manchuria, isang teritoryo ng
Tsina. Nang binatikos ng Lytton Commission ng Liga ang Hapon sa kanyang ginawa, agad
itong tumiwalag sa Liga ng mga Bansa. Ikalawa, noong 1935, nilusob ng Italya ang Ethiopia.
Ipinalagay ng marami na ito na ang huling paghamon sa kakayahan ng Liga sa tungkuling
pagpapayapa.
Maraming dahilan kung bakit bigo ang Liga ng mga Bansa. Una, hindi lahat ng
makapangyarihan at malalaking bansa ay kasapi. Ang Estados Unidos ay hindi kasapi. Noong
una, ang Alemanya ay hindi pinayagang sumali ngunit pinayagan din sa bandang huli. Ang
Rusya ay sumali lamang noong 1934. Sa taong ito ay tumiwalag ang Alemanya at Hapon.
Hindi makapagtatagumpay ang isang pandaigdigang organisasyon kung hindi kasapi rito ang
malalaking bahagi ng mundo.
 Isaisip
Gawain 4: Diary
Panuto: Isulat sa ikalawang kolumn ang mahahalagang nilalaman o itinadhana ng ilan
sa mga pagsisikap na isinagawa upang matamo ang kapayapaan matapos
ang Unang Digmaang Pandaigdig.

Pagsisikap Tungo sa Kapayapaan Nilalaman

1. Kasunduang Pangkapayapaan
(Paris 1919-1920)

2. Labing-apat ng Puntos ni Pangulong

Woodrow Wilson (Enero, 1918)

3. Kasunduan sa Versailles

4. Ang Liga ng mga Bansa

Buod
 Sa pagitan ng 1871-1914, ang mga bansang industriyalisado sa Kanluraning Europa
ay nasa rurok ng kanilang kapangyarihan. Naging sentro ng daigdig ang Europa dahil
sa kaunlaran at kalakalan. Naging sentro rin ito ng pandaigdigang alitan at di-
pagkakaunawaan ng mga bansang makapangyarihan.

 Ang mga sanhi ng Unang Digmaang Pandaigdig ay ang nasyonalismo, imperyalismo,

militarismo, pagbuo ng mga alyansa, pandaigdig na hidwaan at mga pandaigdigang
krisis tulad ng mga pangyayari sa Morocco at Balkan.

 Ang pagpaslang kay Archduke Francis Ferdinand noong 1914, ang tagapagmana sa
trono ng Austria na dumalaw sa Sarajevo, Bosnia, ang nagpasiklab sa Unang
Digmaang Pandaigdig.

 Matinding pinsala ang naidulot ng Unang Digmaan Pandaigdig sa pagkawala ng

maraming buhay at pagkawasak ng mga bansa at at ari-arian. Ang apat na imperyo
sa Roma ay nagwakas din.

 Pagkatapos ng Unang Digmaang Pandaigdig, nag-isip ng mga planong

pangkapayapaan ang Big Four na binubuo ng Estados Unidos, Britanya, Italya, at
Pransya. Nagpalabas si Pangulong Wilson ng Labing-apat na Puntos upang
maiwasan ang mga susunod pang digmaan.

 Ang Britanya, Pransya at iba pang mga bansang alyado ay nagsagawa rin ng lihim na
kasunduang sila-sila ay mahahati sa mga dating kolonya at teritoryo ng mga Central
Powers. Ang pinakamahalaga sa mga ito ay ang Kasunduan sa Versailles na nagdulot
ng maraming sanction sa Alemanya na nagbigay ng malaking hinanakit dito.

 Naitatag pagkatapos ng digmaan ang pandaigdigang Liga ng mga Bansa na ang

pangkalahatang layunin ay ang pagtutulungan, at hindi ang digmaan, ng mga bansa
sa daigdig.
 Pagtatasa
Panuto: Suriin at unawaing mabuti ang bawat katanungan at pangungusap. Letra
lamang ng wastong sagot ang isulat sa sagutang papel.

1. Maraming salik ang nagbunsod sa Unang Digmaang Pandaigdig. Alin sa mga

sumusunod ang hindi kabilang dito?
A. Pagbuo ng mga alyansa.
B. Nasyonalismo
C. Ideyalismo
D. Militarisasyon

2. Naging hudyat ng pagsiklab ng Unang Digmaang Pandaigdig ang pagpatay kay

Archduke Franz Ferdinand at ng kanyang asawa. Sino ang pumatay sa mag-asawa
na kasapi ng black hand?
A. Vladimir Lenin
B. Vladimir Drovich
C. Gavrilo Litovsk
D. Gavrilo Princip

3. Alin sa mga bansang ito ang hindi kabilang sa nagpulong upang magkaroon ng
kasunduang pangkapayapaan noong Unang Digmaang Pandaigdig?
A. England C. Amerika
B. France D. Italya

4. Maraming mga sundalo sa WW1 ang namatay dahil sa masamang kalagayan sa

trenches. Ano ang tawag sa sakit sa paa na ikinamatay ng libu-libong sundalo ng Great
Britain?
A. Athletes foot
B. Lotus feet
C. Trench foot
D. Gavrilo Litovsk

5. Marami ang napinsala at mga namatay sa Unang Digmaang Pandaigdig. Ano ang
itinawag sa digmaang ito dahil sa nasabing epekto?
A. Great War C. War of the Century
B. Great Defeat D. War of the Decade

6. Opisyal na nagwakas ang WW1 sa pamamagitan ng Kasunduan sa Versailles. Sa

anong probisyon ng kasunduan pinakanahirapan ang Germany na tuparin?
A. Demilitarisasyon
B. Reparasyon
C. Public Apology
D. Pagpaubaya sa mga nasasakupan

7. Ang kantang “Imagine” ni John Lennon na naghihikayat ng pandaigdigang

kapayapaan at unawaan. Ano ang kanyang pinahihiwatig sa linyang “You may say I’m
a dreamer but I’m not the only one” sa nasabing kanta?
A. Wala na sanang langit o impyerno
B. Wala na sanang relihiyon na naging sanhi ng away
C. Sa panaginip nalang natin makamit ang kapayapaan
D. Kahit mahirap, makamit parin nating kapayapaan
8. Alin sa mga sumusunod na pangungusap ang tumutukoy sa naging
sanhi ng ng Unang Digmaang Pandaigdig?
A. Pagbagsak ng mga kilalang imperyo tulad ng Alemanya, Austria-Hungury,
Rusya, at Ottoman
B. Paglabas ng labing-apat na Puntos ni Pangulong Woodrow Wilson ukol sa
pagpapanatili ng kapayapaan
C. Pagtakas ni Adolf Hitler matapos ang sunud-sunod na pagkatalo laban sa
mga Allied Powers
D. Pagpatay kay Archduke Francis Ferdinand ng Austria habang nasa
Sarajevo, Bosnia

9. Ang mga probisyon sa Kasunduan sa Versailles ay tumutukoy sa:

A. Pagbabaha-bahagi ng mga teritoryong dating nasasakop ng Alemanya sa
pagitan ng mga bansang magkaka-alyado
B. Pagkilala sa pagkakapangkat-pangkat ng mga bansa sa pagitan ng Triple
Alliance at Triple Entente
C. Pagkuha ng Rusya sa magagandang daungan ng Constantinople para
makaiwas sa matinding taglamig
D. Pakikipagtunggali ng Alemanya laban sa kontrol ng Inglatera sa kalakalan
sa mga katubigan

10. Ang Triple Entente ay alyansang binubuo ng mga bansang Pransya, Britanya at
Russia. Anu-anong mga bansa naman ang bumubuo sa Triple Alliance?
A. Austria-Hungary, Germany, Belgium
B. Austria-Hungary, Germany, Italya
C. Austria-Hungary, Germany, Syria
D. Austria-Hungary, Germany, Ottoman
Sanggunian:
Modyul ng Mag-aaral sa Araling Panlipunan Kasaysayan ng Daigdig

Mga Sanggunian sa internet:

 https://lrmds.deped.gov.ph/pdf-view/6062
 https://www.youtube.com/watch?v=2HGyJm-8CUw
 https://mimirbook.com/tl/4003b38de25
 https://www.slideshare.net/eliasjoy/unang-digmaang-pandaigdig-world-war-1
 https://aralipunan.com/simula-ang-unang-digmaang-pandaigdig-wwi/
 https://prezi.com/p/tsjj7go4ocjk/mga-kasunduang-pangkapayapaan/
 https://www.youtube.com/watch?v=cZJoyUHMmQQ
 https://www.firstworldwar.com/diaries/whitmore.htm